تریفە عومەر ئەحمەد؛ رۆستەم محەمەد ئەحمەد
پوخته
هێزی واتای سیمانتیكی، ڕۆڵی كارا لە كردەی پەیوەندی و لەیەكگەیشتندا دەبێنێت، ئەم توێژینەوەیە بە ناونیشانی ...
زیاتر بخوێنەوە
هێزی واتای سیمانتیكی، ڕۆڵی كارا لە كردەی پەیوەندی و لەیەكگەیشتندا دەبێنێت، ئەم توێژینەوەیە بە ناونیشانی (هێزی واتای سیمانتیكی بەپێی تیۆری پرۆتۆتایپ)، تیشكدەخاتەسەر هێزی وشە لە گەیاندنی پەیام و بیری قسەكەر/ نووسەر بۆ وەرگر و كاریگەریی خستنەسەر ئەوی تر، لەم توێژینەوەیەدا، هێزی سیمانتیكیی وشە، بەپێی تیۆری پرۆتۆتایپ لێكدراوەتەوە، كە پیشت بە چەمكی وشە هاوواتاكان بەستراوە و بەهۆیانەوە چەمكی بەهێزی وشەكە لەڕووی واتای سیمانتیكییەوە دیاریكراوە.توێژینەوەكە جگەلە پێشەکی و ئەنجام و لیستی سەرچاوەکان لە دوو بەش پێکهاتووە، کە گرنگی بە خستنەڕووی تیۆری پرۆتۆتایپ و هێزی واتای وشە لەسەر بنەمای چەقی پرۆتۆتایپ و پلەبەندیی ئەندام و ئەندامی پەراوێزی داوە، بەجۆرێك چەمكی پرۆتۆتایپی لە چەقدا بۆ گەیاندنی بیری قسەكەر/ نووسەر یان كاریگەری دروستكردن بەهێزترە لە ئەندامی پەراوێزی، بەڵام گەر قسەكەر/ نووسەر بخوازێت بیرەكەی بە لێڵی بگات، ئەوا ئەندامی پەڕاوێزی، واتایەكی بەهێزتری لە پرۆتۆتایپی چەق و ئەندامەكانی دیكە دەبێت، توێژینەوەكە بەپێی رێبازی درككردن و وەرگرتنی دەقی نووسراو و گوتراو ئەنجامدراوە، سەرجەم نموونەكانیش کە بەکارهێنراون، لە شێوەزاری سلێمانی وەرگیراوە.